Friday, 9 August 2013

Ŝipo "Esperanto" novaj retligoj

Ĉar multaj retligoj donitaj en "La Verda Velo" plu ne laboras mi aldonas freŝajn informojn akireblajn interrete.Ŝipo "Esperanto" (pri kiu estas videoklipo en la pasinta mesaĝo) daŭre navigas en Eŭropo.
esperanto 3 kaj 4 (3/4) estas fakte 2 
ŝipoj (unu el ili motora ŝipo kaj la alia senmotora kuntrenata ŝipo). Vidu 
http://www.shipspotting.com/gallery/photo.php?lid=1701921
Aŭ plie en
http://www.shipspotting.com/gallery/photo.php?lid=1817174

Pri "Esperanto" estas en:
http://www.fleetmon.com/en/vessels/Esperanto_3_4_68173 

Realtempa, nuna loko/situo de  "Esperanto"
http://www.marinetraffic.com/ais/shipdetails.aspx?MMSI=244630717 
Multaj fotoj de Ŝipo "Esperanto"http://www.marinetraffic.com/ais/showallphotos.aspx?mmsi=244630717 

De tempo al tempo oni trovas novajn bildojn pri "Esperanto"-j per Google: 
http://www.google.co.uk/search?q=ship+Esperanto&sa=N&biw=1280&bih=615&tbm=isch&tbo=u&source=univ&ei=Bh4FUpWjFsub0AWmhoGYDA&ved=0CDgQsAQ4Cg 

Monday, 17 September 2012

Ŝipo "Esperanto"

En interreto videblas pri ŝipo "Esperanto" videoklipo.
http://www.youtube.com/watch?v=2i-zObuf1PY
La skribo sur la flanko indikas ke la longo estas 110 m kaj la larĝo 11,45 m.
En Flickr estas foto pri tiu ŝipo (2008) kaj la registronumero EU-nr 2324539
http://www.flickr.com/photos/marina-frintrop/2825374356/ 

Wednesday, 9 January 2008

Esperantoj de Nederlando

En Nederlando estas ne nur la Centra Oficejo de UEA kaj ĉi jare UK, tiuj estas bone sciataj al ĉiu esperantisto. Mi temas pri la ŝipoj "Esperanto" de Nederlando. La libro de Hugo Rollinger pri ZEOj listigas en Nederlando 3 navigantajn ŝipojn kun tia nomo (1997).
Jen ili:
-------------------------------------------------------------------------------------

ŝipa n-ro: 2100052
Nomo: "Esperanto"
ŝipospeco: ŝarg-motorŝipo
Devenlando: Nederlando
Posedanto: Pols Jahn, Lochem
Konstrujaro: 1923
Longo: 69 m
Larĝo: 9,5 m
Tonelaro (RT): 1024 RT
Registra dato: 31 dec 1926

--------------------------------------------------------------------------------------

ŝipa n-ro 2303835
Nomo: "Esperanto"
ŝipospeco: ŝutsarga motorŝipo
Devenlando: Nederlando
Posedanto: Wal J. Van Der, Oostrum
Konstrujaro: 1928
Longo: 31 m
Larĝo: 6,6 m
Tonelaro: 216 RT
Registra dato: 1 jan 1928

---------------------------------------------------------------------------------------

ŝipa n-ro: 2313929
Nomo: "Esperanto"
ŝipspeco: ŝarg-motorŝipo
Devenlando: Nederlando
Posedanto: Esperanto-VOF, Papendrecht
Konstrujaro: 1958
Longo: 99,9 m
Larĝo: 9,5 m
Tonelaro: 1822 RT
Registra dato: 31 dec 1973

----------------------------------------------------------------------------------------

Bedaurinde nenio troveblis pri tiuj ŝipoj en interreto.
Pri la lasta ŝipo en la listo mi certas ke ĝi plu ne estas en la listo de Esperanto VOF kompanio ĉar la firmao havas nun novan ŝipon kun sama nomo.

LA PLEJ NOVA SHIPO ESPERANTO

La Nederlanda ŝipfirmao Esperanto Vof en Dorchecht havas novan ŝipon "Esperanto".
La adreso de la kompanio: Van Ravesteyn-erf 501, 3315 DV Dordrecht, NL; tel.:07860330

Jen la ŝipo:
http://www.debinnenvaart.nl/schependb/inhoud.php?action=tel&id=894

La nomo: "Esperanto"
euronumero: 2324538
ŝipspeco: motor-kargo-ŝipo
Konstrujaro: 2000
(Konstruita en Rumanio)
Longo: 109,89 m
Larĝo: 11,43 m
Profundo: 2,89 m
Tonelaro: 2307 T
Maŝinoj: 2 x 1521

ĉar ĝi estas nova kaj moderna ŝipo, espereble ĝi navigos longan tempon estonte.

Peeter Aitai

Monday, 7 January 2008

La ŝipego Zamenhof

La plej granda esperanta ŝipo estis m/ŝ Zamenhof. Sufiĉas nur unu rigardo al ĝi kaj vi komprenas.

Foto de m/ŝ Zamenhof
http://www.freeweb.hu/egalite/sxipo/bildo01.jpg

1959 en Split (Jugoslavio) oni enmarigis novan modernan grandan maran kargoŝipon "Zamenhof". La ŝipo, tiutempe eĉ ŝipego, estis konstruita por pola-ĉina ŝipa entrepreno CHIPOLBROK kaj la hejmhaveno estis Gdynia (Pollando).

La datumoj de Zamenhof:
Longo: 154 m
Larĝo: 18.80 m
Alto: 12 m
Portipovo: 12800 tunoj
Maŝino: 6000 ĉevalpovoj
Rapido: 15-16 nodoj
ŝipanaro: 48 personoj

En la artikolo "Cxu Zamenhof scipovis nagxi au navigi-" http://www.china.org.cn/EL/EL/ElPopolaCxinio/bd98-10-8.html
ni ekscias ke 1982 la ŝipon, alinomitan "Cosko", ĉetis Ĉina Oceana ŝip-Kompanio.
Sed kio estis ĝis tio, pri tio legeblas en reto tre ampleksa bonega artikolo de Erasm Nawrowski kaj konsilata estas ĉion legi tie.

La adreso de "La marŝipo Zamenhof"
http://egalite.fw.hu

P.Aitai

Saturday, 5 January 2008

La unua ZEO

Esperanto aperis 1887 kaj jam post 9 jaroj en 1896 aperis la unua ZEO (Zamenhof/Esperanto-Objekto). Tiu unua objekto nomita per la nomo de la internacia lingvo Esperanto estis ŝipo.
En la libro "Monumente pri Esperanto" de Hugo Rollinger (UEA 1997) sur paĝoj 80 - 82 legeblas kela Navigacia Matrikulo, la oficiala dokumento por identigo de la ŝipo, estas eldonita en Malaga (Hispanio).
La teknikaj datumoj de la ŝipo "Esperanto":
Konstrujaro: 1896
(Droniĝo: 1966)
Longeco: 42,30 m
Kilprofundeco: 2,26 m
Ŝippezo: 262 tn
Rapideco: 6 nodoj
Maŝinpovo: 140 ĈV Ducilindra vapormaŝino
Karbujo por 32 tn
1896 en Malaga loĝis Jose Rodriguez Huertas, fondinto de la unua E- societo en Hispanio (la 5-a en la mondo) havanta altan reputacion en la urbo kaj persona amiko de hispana deputito, do li certe grave influis oficialan nomigon de la ŝipo.
Lau informoj trovitaj de Kanariaj esperantistoj la ŝipo "Esperanto" navigis kutime inter Kanariaj havenoj. 1920 ĵurnalo priskribas venon de "Esperanto" al Santa Cruz de Tenerife jene:
"Je l' matena krepusko videbliĝis la alvenanta "Esperanto", kvazaŭa ega "fruktujo" kun multjara kaj bona historio, kiu alvenis de la haveno Puerto de la Cruz kun spektakloriĉa ŝarĝo je grapolegoj da babanoj..."
Tiu ŝipo servis navigante longajn 70 jarojn kaj 1966 oni dronigis ĝin por ke ĝi servu kiel protektilo por la haveno Las Palmas de Gran Ganaria (la loko nun plene kovrita pro nova avenuo konstruita marborde).
La unua ZEO, la ŝipo "Esperanto", meritas memortabulon en sia nuna porĉiama haveno kaj honoran lokon en nia memoro.


Peeter Aitai

Wednesday, 27 December 2006

La plej fama ŝipo Esperanto

Dum pli ol centjara historio de Esperanto multaj ŝipoj kaj ŝipetoj estas nomitaj Esperanto. Unu el la plej famaj inter ili estis la velŝipo Esperanto, skuno konstruita en Essex 1906. Tiu estis rapida fiŝista ŝipo (por rapideco ĝia konstruo similis tion de jaktoj) kiun oni uzis por fiŝkaptado sur Norda Atlantiko precipe apud Nordameriko. (Esperanto havis pezon 140 tunojn plene kaj 91 tunojn malplene).
La plej aŭtoritata, plej grava konkurso de velsporto estas ne olimpikaj ludoj aŭ mondĉampionado de iu jaktoklaso sed konkuro por la Amerika Pokalo (nomita laŭ la jaktnomo de la unua gajninto). 1920 okazis unu tia konkuro de jaktoj por la Amerika pokalo (cetere en la lasta parto demas pri konkuro de nur 2 jaktoj). Pro ŝtormo (23-noda ventorapido) estis unu el la konkuretapoj prokrastita. Tio ne plaĉis al fiŝistoj-maristoj de Nova Skotio kaj Novanglio kiuj per siaj malgrandaj ŝipoj konstante devis superi ŝtormojn kiaj ajn ili estas. Do por ili tio fariĝis afero de honoro kaj ili decidis okazigi konkurson por fiŝistaj velŝipetoj. Tiel naskiĝis unu el ĝis nun gravaj vel-konkursoj. La premion kion kutime oni nomas Fiŝista Internacia Trofeo (plena nomo estis La Internacia Trofeo de Halifax Herald por Nord-Atlantikaj Fiŝistoj - angle Halifax Herald North Atlantic Fishermen's International Trophy) estis donacita de senatano William H.Dennis (eldonanto de "Halifax Herald").
La 30-an de oktobro kaj la 1-an de novembro okazis la unua konkurso. Konkuris du ŝipoj: "Esperanto" el Gloucester kaj "Delawana" de Lunenburg. (Ŝipestro de "Esperanto" estis Marty Welch). "Esperanto" gajnis la konkuron kaj do estis la unua posedanto de la pokalo.
Nur kelkajn monatojn post la konkurso "Esperanto" kunpuŝiĝis kun la droninta ŝipo "S.S.State of Virginia" apud la Sabla Insulo (konata laŭ la kromnomo Tombejo de Ŝipoj) en profundeco de 3 metroj. Tio okazis la 30-an de majo 1921.
La ŝipo pereis sed ĝi eniris en historion kiel la unua gajninto de la grava trofeo.
Se oni rigardas mapojn de Saba Insulo (Sable) en multaj libroj pri ĝi do kutime sur ili estas notitaj ankaŭ lokoj de dronintaj ŝipoj (plej gravaj) kaj kutime estas notita ankaŭ "Esperanto".
La tradicio de konkursoj de fiŝistaj velŝipoj daŭriĝis kaj vivas ankaŭ hodiaŭ. Nun la konkurso estas parto de ĉiujara Glochestera Skuna Festivalo kaj laŭvica (la 23-a) okazos 1 - 2-an de septembro 2007. Kial tiu konkurso montras gravecon lige kun la ŝipo "Esperanto"? Nun la konkurso okazas en tri kategorioj de velŝipoj-ŝipetoj. En la grupo de plej grandaj ŝipoj (longeco pli ol 80' = 24,4 m) (la ĉefpremia grupo) la trofeo nomiĝas "Pokalo de Esperanto".
La ŝipo "Esperanto" pereis sed ĝia nomo daŭre vivas kaj estas en formo de sopirata trofeo konata al multaj...

Peeter Aitai