La Verda Velo

Esperantoj de Nederlando

2008-01-09T09:53:00.000-08:00

En Nederlando estas ne nur la Centra Oficejo de UEA kaj ĉi jare UK, tiuj estas bone sciataj al ĉiu esperantisto. Mi temas pri la ŝipoj "Esperanto" de Nederlando. La libro de Hugo Rollinger pri ZEOj listigas en Nederlando 3 navigantajn ŝipojn kun tia nomo (1997).
Jen ili:
-------------------------------------------------------------------------------------

ŝipa n-ro: 2100052
Nomo: "Esperanto"
ŝipospeco: ŝarg-motorŝipo
Devenlando: Nederlando
Posedanto: Pols Jahn, Lochem
Konstrujaro: 1923
Longo: 69 m
Larĝo: 9,5 m
Tonelaro (RT): 1024 RT
Registra dato: 31 dec 1926

--------------------------------------------------------------------------------------

ŝipa n-ro 2303835
Nomo: "Esperanto"
ŝipospeco: ŝutsarga motorŝipo
Devenlando: Nederlando
Posedanto: Wal J. Van Der, Oostrum
Konstrujaro: 1928
Longo: 31 m
Larĝo: 6,6 m
Tonelaro: 216 RT
Registra dato: 1 jan 1928

---------------------------------------------------------------------------------------

ŝipa n-ro: 2313929
Nomo: "Esperanto"
ŝipspeco: ŝarg-motorŝipo
Devenlando: Nederlando
Posedanto: Esperanto-VOF, Papendrecht
Konstrujaro: 1958
Longo: 99,9 m
Larĝo: 9,5 m
Tonelaro: 1822 RT
Registra dato: 31 dec 1973

----------------------------------------------------------------------------------------

Bedaurinde nenio troveblis pri tiuj ŝipoj en interreto.
Pri la lasta ŝipo en la listo mi certas ke ĝi plu ne estas en la listo de Esperanto VOF kompanio ĉar la firmao havas nun novan ŝipon kun sama nomo.

LA PLEJ NOVA SHIPO ESPERANTO

La Nederlanda ŝipfirmao Esperanto Vof en Dorchecht havas novan ŝipon "Esperanto".
La adreso de la kompanio: Van Ravesteyn-erf 501, 3315 DV Dordrecht, NL; tel.:07860330

Jen la ŝipo:
http://www.debinnenvaart.nl/schependb/inhoud.php?action=tel&id=894

La nomo: "Esperanto"
euronumero: 2324538
ŝipspeco: motor-kargo-ŝipo
Konstrujaro: 2000
(Konstruita en Rumanio)
Longo: 109,89 m
Larĝo: 11,43 m
Profundo: 2,89 m
Tonelaro: 2307 T
Maŝinoj: 2 x 1521

ĉar ĝi estas nova kaj moderna ŝipo, espereble ĝi navigos longan tempon estonte.

Peeter Aitai

La ŝipego Zamenhof

2008-01-07T09:32:00.000-08:00

La plej granda esperanta ŝipo estis m/ŝ Zamenhof. Sufiĉas nur unu rigardo al ĝi kaj vi komprenas.

Foto de m/ŝ Zamenhof
http://www.freeweb.hu/egalite/sxipo/bildo01.jpg

1959 en Split (Jugoslavio) oni enmarigis novan modernan grandan maran kargoŝipon "Zamenhof". La ŝipo, tiutempe eĉ ŝipego, estis konstruita por pola-ĉina ŝipa entrepreno CHIPOLBROK kaj la hejmhaveno estis Gdynia (Pollando).

La datumoj de Zamenhof:
Longo: 154 m
Larĝo: 18.80 m
Alto: 12 m
Portipovo: 12800 tunoj
Maŝino: 6000 ĉevalpovoj
Rapido: 15-16 nodoj
ŝipanaro: 48 personoj

En la artikolo "Cxu Zamenhof scipovis nagxi au navigi-" http://www.china.org.cn/EL/EL/ElPopolaCxinio/bd98-10-8.html
ni ekscias ke 1982 la ŝipon, alinomitan "Cosko", ĉetis Ĉina Oceana ŝip-Kompanio.
Sed kio estis ĝis tio, pri tio legeblas en reto tre ampleksa bonega artikolo de Erasm Nawrowski kaj konsilata estas ĉion legi tie.

La adreso de "La marŝipo Zamenhof"
http://egalite.fw.hu

P.Aitai

La unua ZEO

2008-01-05T03:22:00.000-08:00

Esperanto aperis 1887 kaj jam post 9 jaroj en 1896 aperis la unua ZEO (Zamenhof/Esperanto-Objekto). Tiu unua objekto nomita per la nomo de la internacia lingvo Esperanto estis ŝipo.
En la libro "Monumente pri Esperanto" de Hugo Rollinger (UEA 1997) sur paĝoj 80 - 82 legeblas kela Navigacia Matrikulo, la oficiala dokumento por identigo de la ŝipo, estas eldonita en Malaga (Hispanio).
La teknikaj datumoj de la ŝipo "Esperanto":
Konstrujaro: 1896
(Droniĝo: 1966)
Longeco: 42,30 m
Kilprofundeco: 2,26 m
Ŝippezo: 262 tn
Rapideco: 6 nodoj
Maŝinpovo: 140 ĈV Ducilindra vapormaŝino
Karbujo por 32 tn
1896 en Malaga loĝis Jose Rodriguez Huertas, fondinto de la unua E- societo en Hispanio (la 5-a en la mondo) havanta altan reputacion en la urbo kaj persona amiko de hispana deputito, do li certe grave influis oficialan nomigon de la ŝipo.
Lau informoj trovitaj de Kanariaj esperantistoj la ŝipo "Esperanto" navigis kutime inter Kanariaj havenoj. 1920 ĵurnalo priskribas venon de "Esperanto" al Santa Cruz de Tenerife jene:
"Je l' matena krepusko videbliĝis la alvenanta "Esperanto", kvazaŭa ega "fruktujo" kun multjara kaj bona historio, kiu alvenis de la haveno Puerto de la Cruz kun spektakloriĉa ŝarĝo je grapolegoj da babanoj..."
Tiu ŝipo servis navigante longajn 70 jarojn kaj 1966 oni dronigis ĝin por ke ĝi servu kiel protektilo por la haveno Las Palmas de Gran Ganaria (la loko nun plene kovrita pro nova avenuo konstruita marborde).
La unua ZEO, la ŝipo "Esperanto", meritas memortabulon en sia nuna porĉiama haveno kaj honoran lokon en nia memoro.

Peeter Aitai

La skuno Esperanto

2008-01-04T09:24:00.000-08:00

http://aarf.com/images/shipw05d.jpg

http://www.essexshipbuildingmuseum.org/pics/Esperant.jpg

La plej fama sxipo Esperanto

2006-12-27T15:08:00.000-08:00

Dum pli ol centjara hitorio de Esperanto multaj sxipoj kaj sxipetoj estas nomitaj Esperanto. Unu el la plej famaj inter ili estis la velsxipo Esperanto, skuno konstruita en Essex 1906. Tiu estis rapida fisxista sxipo (por rapideco gxia konstruo similis tion de jaktoj) kiun oni uzis por fisxkaptado sur Norda Atlantiko precipe apud Nordameriko. (Esperanto haviz pezon 140 tunojn plene kaj 91 tunojn malplene).
La plej autoritata, plej grava konkurso de velsporto estas ne olimpikaj ludoj au mondcxampionado de iu jaktoklaso sed konkuro por la Amerika Pokalo (nomita lau la jaktnomo de la unua gajninto). 1920 okazis unu tia konkuro de jaktoj por la Amerika pokalo (cetere en la lasta parto demas pri konkuro de nur 2 jaktoj). Pro sxtormo (23-noda ventorapido) estis unu el la konkuretapoj prokrastita. Tio ne placxis al fisxistoj-maristoj de Nova Skotio kaj Novanglio kiuj per siaj malgrandaj sxipoj konstante devis superi sxtormojn kiaj ajn ili estas. Do por ili tio farigxis afero de honoro kaj ili decidis okazigi konkurson por fisxistaj velsxipetoj. Tiel naskigxis unu el gxis nun gravaj vel-konkursoj. La premion kion kutime oni nomas Fisxista Internacia Trofeo (plena nomo estis La Internacia Trofeo de Halifax Herald por Nord-Atlantikaj Fisxistoj - angle Halifax Herald North Atlantic Fishermen's International Trophy) estis donacita de senatano William H.Dennis (eldonanto de "Halifax Herald").
La 30-an de oktobro kaj la 1-an de novembro okazis la unua konkurso. Konkuris du sxipoj: "Esperanto" el Gloucester kaj "Delawana" de Lunenburg. (Sxipestro de "Esperanto" estis Marty Welch). "Esperanto" gajnis la konkuron kaj do estis la unua posedanto de la pokalo.
Nur kelkajn monatojn post la konkurso "Esperanto" kunpusxigxis kun la droninta sxipo "S.S.State of Virginia" apud la Sabla Insulo (konata lau la kromnomo Tombejo de Sxipoj) en profundeco de 3 metroj. Tio okazis la 30-an de majo 1921.
La sxipo pereis sed gxi eniris en historion kiel la unua gajninto de la grava trofeo.
Se oni rigardas mapojn de Saba Insulo (Sable) en multaj libroj pri gxi do kutime sur ili estas notitaj ankau lokoj de dronintaj sxipoj (plej gravaj) kaj kutime estas notita ankau "Esperanto".
La tradicio de konkursoj de fisxistaj velsxipoj daurigxis kaj vivas ankau hodiau. Nun la konkurso estas parto de cxiujara Glochestera Skuna Festivalo kaj lauvica (la 23-a) okazos 1 - 2-an de septembro 2007. Kial tiu konkurso montras gravecon lige kun la sxipo "Esperanto"? Nun la konkurso okazas en tri kategorioj de velsxipoj-sxipetoj. En la grupo de plej grandaj sxipoj (longeco pli ol 80' = 24,4 m) (la cxefpremia grupo) la trofeo nomigxas "Pokalo de Esperanto".
La sxipo "esperanto" pereis sed gxia nomo daure vivas kaj estas en formo de sopirata trofeo konata al multaj...

Peeter Aitai

Rekomenco

2006-12-24T09:06:00.000-08:00

Venis tempo por rekunigxo de esperantistoj maristoj (profesiaj kaj amatoraj maristoj, velistoj, boatantoj, fisxistoj au simple sxatantoj de maro). Pasis jam kvarono de jarcento de tempo kiam ekzistis EMLI (Esperantista Mar-Ligo Internacia) kaj ecx pli de MARO (Maramika Rondo). Pri ili mi iom notis en mia artikolo "Maristaj aferoj" en mia blogo http://peeteraitai.blogspot.com . Cxi tie mi intencos aperigi kelkion el la Informilo-j de EMLI kaj novajn informojn. Por diskuti diversajn temojn ligitajn kun maro mi kreis cxe Google la diskutgrupon Maristoj http://groups.google.com/group/maristoj . Do cxiuj kiuj sxatas maron estas bonvenaj.

Peeter Aitai